فرشـــــــــــــوطـيـــَّــــــــات

(حوار) فرشوطى محمد -  سيادة المستشار هل تعتقد ان هناك أخونه للقضاء ؟ - نعم اعتقد ان هناك أخونه للقضاة لسببين السبب الاول ان هناك بالفعل عجز في عدد القضاة، ان عدد القضاة واعضاء النيابة العامة فى جمهورية مصر العربية 13 ألف ينظرون قضايا ودعاوي لعدد 90 مليون مواطن وهناك تكدس في عدد القضايا بالمحاكم - وعندما نطالب الدولة الان بتعين المزيد من وكلاء معاوني النيابة فى السلك القضائي ليصبحوا قضاه فى المستقبل يتحجج القائمين علي التعيين فى الدولة بعدم وجود درجات او ميزانيه تسمح بذلك ثم نفاجأ بقانون خفض تقاعد السن القضائي الى 60 او 65 عاما واستبعاد ما يقرب من 3 الاف قاضي من شيوخ القضاة الذين يتمتعون بخبره لا يمكن تعويضها وإحلال من هم أقل فى الخبرة والكفاءة ما سينعكس على مستوى القضاء... السبب الثاني : قد ورد نص فى الدستور الجديد يجعل التقاضي بمحاكم الجنايات فى الدوله علي درجتين اسوه بقضايا الجنح وهو يعني ان المطلوب زياده اعداد القضاه فى دوائر الجنايات ب 2000 قاضي كما هو مقدم بمشروع القانون المقدم لمجلس الشوري ولذلك هناك ادله تدل على ان هناك نية ما مبيتة ضد القضاء، باستبعاد عدد كبير من القض...

الواد زعبوله عمال يَلْسَن فى الكَفْرُ كله ..ويقول ان ريسنا فى باكستان لبس السلطنية وأثبت للعالم انه عالم ومثقف وبيفهم فى كل حاجه ....داحتى عارف البيروني وبيقول انه اكتشف الدورة الدموية الصغرى، مع العلم ان اللى اكتشفها هو (ابن النفيس) وكمان بيقول ياعم فرشوطى ات ابن الهيثم، علم الدنيا التشريح والراجل ماكنشي يعرف حاجه فى الطب ولا فى التشريح ، دا كان عالم فى الهندسة والبصريات،ينفع كدا ياعم فرشوطى - ينفع كمان يقول ان جابر بن حيّان اسّس علم الكيمياء  وانت عارف ياعم فرشوطى ان الكيمياء معروفة من قبله بقرون عند اليونان و الإسكندرانيين . قلتله : عيب عليك ياواد يا زعبوله -العيب مش فى الريس العيب فى الراجل اللى كتب له الخطبة واللى قعدوه على الكرسي المفروض يقعد على البرش. بص لى زعبوله بشمئزاز وقال : ماشي ياعم فرشوطى اقعد برر ودافع لحد البلد ماتخرب .. بكرة يقول ان اللى بنى تاج محل فى الهند هو المرشد ... واما يروح ايطاليا يقول ان اللى بنى برج بيزا المائل خيرت الشاطر.. .

تصوير المهيب الركن فرشوطى ياسبادة الريس  البلد كلها فرحانه بمشروعك الكبير ... والواد زعبوله عمال يَلْسَن فى الكَفْرُ كله ..ويقول ان البلد بقت سداح مداح والريس ربنا يكرمه نهض بالبلد قوى وبالحمير كمان دا حتى  حمار فرشوطى ركب عربية ... ومبقاش يتعثر فى عصر النهضة .. ويابخت مصر بيك وبمشروعك اللى ركب الحمير عربيات.  ----------- تصوير المهيب الركن فرشوطى وكمان زعبوله بيقول ان الريس ادى الشعب الحرية وبيعمل اللى نفسه فيه بقطع الطرق .. يولع فى الشوارع ... يركب عربيات و ميكروباصات من غير رخص ونمر ...  قلتله ياواد يازعبولة اسكت دا الريس راجل محترم وقاعد على الكرسي مستنى صلاة العشا علشان يدعى للشعب ان ربنا ينفخ فى صورته وينام من المغرب ويفضل قاعد على الكرسي ويجعله عامر .

الحقنا ياعم فرشوطى وقوم بقى من على الكرسي اللى لزقوك عليه وشوف الحاج قنديل رفع أسعار البيض والسكر وناقص يرفع اسعار الضغط كمان .

من يوم ما قعدت على الكرسي ياعم فرشوطى والمصايب عماله ترف زى المطر على نفوخنا دا حتى الجراد أكل الاخضر واليابس .. ياعم انزل بقى من على الكرسي واركب حمارك واتكل على الله خلى النحس يفك عنا .دا  الحمارعضم من قلة التبن .ورجليه اتكسرت من المطبات والطرق اللى كلها اصبحت حقر حفر ..وبيشنكى منك لأهلك و لعشيرتك وسلملي على الترماى ؟

فرشوطيات تنتقل الى الصحافة الورقية