التخطي إلى المحتوى الرئيسي

بركات وزيرة الصحة والوفد الصينى والجُعْرور الإخوانى



كتب : فرشوطى محمد :الواد زعبوله عمال يصرخ فى الكَفْرُ كله ويقول :جاى ياعم فرشوطى من جماعة الخرفان دى كل حياتهم طاعة وتبعية كلهم دلاديل للراعى بتاعهم  ومفيش واحد منهم بيكلف نفسه عناء التفكير فى اللى بيقوله .
قلت وأنا امسك بذراعه اهدأ يا زعبوله وقوللى انت زعلان ليه؟
قال صارخا : مش عاجبهم حاجه خالص يا استاذ فرشوطى - العالم كله دلوقتى بيشيد بمصر ورئيسها وإنجازات الحكومة .... 
قاطعته قائلا :النظرة المستقبلية للحكومة المصرية فى غاية الأهمية يازعبوله- وتحتاج لخبير ذوحنكة سياسية واقتصاديه ليدرك حجم الانجازات التى تتحق داخل مصر وخارجها - ومش كل اللى نفخت طبخت.
- الجماعة دى ياعم فرشوطى لا عندها حنكه ولا نيله دول عايزين السلخ - انت فاكر
 يوم ما قامت وزيرة الصحة هالة زايد بزيارة الصين؟ ماذا حدث؟
فاكر يا زعبوله فاكر أثارت زيارتها موجة عاتية من السخرية "من كتائب جماعة الإخوان الإرهابية على الشبكة العنكبوتيه " بعد إعلان الوزيرة في  مؤتمر صحفي أنها تحمل رسالة تضامن من الرئيس السيسي إلى جمهورية الصين  في ضوء عمق العلاقات بين البلدين.
- ايوه يا أستاذ هى دى الجزرة اللى قطمتها الخرفان وفضلوا ينحتوا فيها لحد دلوقتى- عارف النهارده ايه اللى حصل؟
- حصل ايه يازعبوله ؟
- حصل اللى حايخلى الخرفان الحاقدة على مصر وحكومتها تنكسف ويبطلوا  شعار الطاعة العمياء والمشي ورا اردوغان وتميم والمرشد دون وعى ولا رأى ولا روية.
ولم يمهلنى ان اسأله بل أرغد زعبوله وأزبد وأضاف قائلا:النهاردة ياعم فرشوطى الصين أرسلت  4 طن  مستلزمات طبية وقائية منها 20 ألف كمامة N95، و10آلاف من ملابس الوقاية، بالإضافة إلى 10آلاف كاشف خاص بفحص الأحماض النووية لفيروس كورونا المستجد.
قلت : والله فيهم الخير يازعبوله
قاطعنى قائلا : استنى استنى دا مش كدا وبس " وفتح الجريدة التى كانت فى يده " وقرأ دا السفير الصيني ، لياو ليتشيانج، أكد أن المساعدات دى تأتي في إطار التضامن والتعاون المستمر بين رئيس الصين والرئيس السيسي، مشيراً إلى أن هذه المساعدات هي رد للجميل المصري.
قلت : مصر يازعبوله جمايلها فوق راس العالم كله .
قال زعبوله :ومش كدا وبس يا عم فرشوطى دا أثناء استلام وزيرة الصحة الشحنه ، في مطار القاهرة الدولي الوفد الصينى أعطاها لوحة فنية حضارية جميله قوى ياعم فرشوطى .
لوحة فنية ؟
ايوه مكتوب فيها  بيت شعر للشاعر المصري أحمد شوقى بيقول فيه "نصحت ونحن مختلفون دارا .. ولكن كلنا في الهم شرق" .
قلت مبتسما هذا تعبير جميل عن عمق وترابط العلاقات بين البلدين وعن وحدة الأزمة التي تمر بها الدولتان بسبب كورونا ورغم اختلاف القارات وبُعد البلدان إلا أننا نواجه هذا الوباء بترابط بين الدولتين.، بشطر بيت شعر لأمير القوافى أحمد شوقي  "كلنا في الهم شرق" .
ومش كدا وبس ياعم فرشوطى دا السفير الصينى قال  أن مستقبل مصر بعد انتهاء هذا الوباء سيكون الأفضل بين دول العالم.
مش قلتلك يازعبوله مش كل من نفخت طبخت .
نشر فى الصحف التالية:
الجمهورية والعالم
الوسط اليوم
شباب مصر

تعليقات

إرسال تعليق

فرشوطيات تشكركم على هذا التعليق الرائع -ونتمنى لكم اياما جميلة - ويسعدنا تكرار الزيارة ,

المشاركات الشائعة من هذه المدونة

صحراء الفكر: رحلة البحث عن الحقيقة

  كنت تائهًا في الصحراء، أسير بلا اتجاه، كأن الرمال تمتد بلا نهاية، والأفق يبتلع قدميّ مع كل خطوة.  الليل قد حل، والقمر يضيء السماء بنوره الفضي، يلقي ظلاله على كثبان الرمال كأنه يراقبني بصمت. شعرت بالإرهاق، فبحثت عن مأوى حتى وجدت شجرة وحيدة تقف كحارس قديم وسط العدم. جلست تحتها محاولًا استعادة أنفاسي، وفجأة، رأيتها. امرأة تجلس هناك، وكأنها جزء من المشهد، عيناها تعكس ضوء القمر، وملامحها هادئة كأنها لم تتوه قط.  شعرت أنني لم أصل إلى الشجرة صدفة… كان لا بد أن ألتقي بها، وكان لا بد أن يدور هذا الحوار   الرجل : هل أنتِ حقيقية أم أنني أهذي من العطش؟ المرأة : أنا حقيقية بقدر ما تريدني أن أكون. لكن السؤال الأهم… هل تعرف من أنت؟ الرجل : كنت أعتقد أنني أعرف، لكن الصحراء تسلب منك كل يقين… تجعل كل شيء يبدو بلا معنى . المرأة : ربما لأن المعاني التي كنت تحملها لم تكن حقيقية منذ البداية، بل مجرد أوهام صُنعت لك، فصدّقتها دون أن تسأل . الرجل : ولهذا أريد أن أمسح كل شيء… أن أبدأ من جديد. كل ما نعرفه—اللغة، القوانين، الأديان، حتى طريقة تفكيرنا—كلها صُنع بشري، لكنها تُفرض عل...
إرسال تعليق
قراءة المزيد

"الزٌنجٌفر" الهندي" وميناتى هاتو" وحمار فرشوطى

كتب - فرشوطى محمد من نعم الله عليّ أن لي حمارًا أجلس إليه أحيانًا لأناقشه في شؤون الحياة؛ فهو – على جهله – أصدق فهمًا من كثير من البشر. وفي إحدى تلك الجلسات حكيت له قصة البنت الهندية . وبينما كنت أشرح للحمار نظرية الجمال في بلاد الهند، قلت له: كانت البنت "ميناتي هاتو" هندية… لكن يا حمار، هندية من النوع الفاخر، مش أي هندية والسلام. يعني لو شافها مهراجا هندي كان قال: "دي لازم تبقى بنتي رسمي!" عينان سوداوان واسعتان كعيون المها، وصفاء مقلتيها كصفاء السماء بعد ما الحكومة تكنسها من الغيوم. هيفاء القوام، وثغرها فاتن من غير "روج"، وما بتحطش على شعرها "الزَّنجُفَر". هأ… هأ… ههههه! إيه بقى؟ هيه… هيه… دي يا حمار؟ أصلك يا فرشوطى أفندي عندك قدرة عجيبة على الكلام اللي يموت من الضحك. طيب فهمنا إن "ميناتي هاتو" هندية وجميلة وثغرها فاتن… لكن إيه حكاية "الزَّنجُفَر" ده؟ اسم أكلة هندية مثلًا؟ قلت له وأنا أتنهد من ثقل جهله: يا حمار… "الزَّنجُفَر" ده صبغة حمراء نسوان الهند بيحطوها في فرق الشعر. اسمها الفيرميليون. ولما تشوف واحدة هندية...
إرسال تعليق
قراءة المزيد

من وصفة "مرقة الفرخة" إلى مستشفيات السبع نجوم: ماذا تغير؟

  الناس اللي قاعدة تتكلم عن الغلاء وفروق الأسعار بين زمان ودلوقتي... زمان يا زعبولة ما كانش فيه لا تلفون ولا شيبسي ولا عربيات مرسيدس. كنا عايشين على لمبة الجاز، بنشرب من الترعة، وبنغسل هدومنا فيها. اللحمة كانت رفاهية بنشم ريحتها كل جمعة، وكل الأسبوع بناكل جبنة قديمة ومش ولما الحظ يبتسم شوية نحلي بسكر سف .   وكان اللي عنده عجلة صيني ولا تلفزيون ببطارية الجرار الروسي يُعتبر العمدة الرسمي للشارع. أما لو حد مرض، كانوا يوصفوا له "فرخة مع مرقة" ويشرب كينا الحديدية، والعافية بترجع في لمح البصر. مفيش مستشفيات سبع نجوم ولا عمليات قيصرية؛ الست كانت تولد وهي في الغيط بتضم القمح، والمستوصف كان أحسن من أي منتجع صحي .   الأكل؟ كنا ما بنعرفش حاجة اسمها كورسان ولا فخفخينا ولا بيتزا ولا بشاميل. كان طبق العدس والفحل البصل والعيش البلدي هم نجوم المائدة. أما عن التعليم، فمصدر المعرفة كان الجاموسة والبقرة وشيخ الجامع. ومع ذلك، طلعنا نجيب محفوظ وطه حسين وزويل وأم كلثوم .   إنما دلوقتي يا زعبولة، كله عايز البوفيه المفتوح والكابوتشينو بوش كريمي، ومطاعم بتغير لك ...
إرسال تعليق
قراءة المزيد