1- انى حيرتك فاحتاري ... مابين الجلوس على صفحتى او فوق حماري...لايوجد فى الدنيا عشق كعشق فرشوطى الجالس بين النخلة وبين النار.
----------------------
2- السينما تعانى من قلة الأفلام الجيدة .. ولا يوجد فن جيد فالقنوات الفضائية أصبحت كثيرة ... ولا تقدم غير سمك لبن تمر هندى ... ومسلسلات فى جودة " إهبشنى على الترعة"
----------------------
2- جأتنى سيدة لولبية القوام قائله : والنبى يا أستاذ فرشوطى - " شوف عينى مالها .. اه ... مالها.
قلت بعد النظر فيها :دى فيها رمد .. قالت: اه ... مالها .. شوف تانى ...
(بحلقت قوى ) وقلت دى فيها... ولم أتمكن ان أكمل لأنها قالت بحنيه .. هه ... هه وايه تانى ...؟ قول ياحكيم العيون قووووول...
قلت وقد أصبح عرقى مرقى - عيناكى ....
قالت: ايوه جميله قوى صح ؟
قلت : عيناكى ......حمرا قوى ....ومحتاجة قطرة .
قالت صارخة ...قطرة ايه ياراجل ياجعر ..
وهوت بيدها فوق الطربوش نزلته لحد رقبتى وولت هاربه.( مش عارف ايه سبب غضبها لدلوقتى؟)
----------------------
3- قال - قرأت ان صوت المرأة عورة - وإيديها ورجلها - ووشها كمان عورة -
قلت - اعمل فيها طيب ... ادفنها وريح نفسك...
--------------------
إذا ذهبت إلى بلدا تعبد العجل " كما يقول المثل" ابصق عليه وعليهم....
---------------------
4- الأن اكتشفت لماذا تزداد العنوسة فى العالم العربى ..،هل تعلم بأن تحية كاريوكا تزوجت ١٤ مرة ..... والصبوحة "صباح" أكثر من 29 مرة ... والفنانة الكويتية " نوال" أكثر من 76 رجل. ونجوى فؤاد ... أكثر من 13 رجل ... سهير رمزى اكثر من 9 رجال.(وهناك الكثير بس خلى الطابق مستور وبلاش فضايح)
---------------------
5 - جأت صديقتى فرحة مهللة قائلة اننى ادعوك لنتناول بيتزا الليلة فما رأيك ؟
قلت : الليلة أنا مشغول .
امسكت بكتاب أمامى واحتضنته كطفل رضيع وجلست تغنى .... خد البيتزا واسكت خد البيتزا ونام.
-------------------
6- على الكورنيش خبطت فتاه ( لابسه قميص مفتوح ) سيارتى من الخلف ،اوقفت السيارة ونزلت متوجها اليها لكى اعاتبها بأدب .. فتحت زجاج الشباك وانطلقت كرشاش : نعم ..نعم ... جري أيه ياعمر..؟
قلت انا مش عمر انا فرشوطى .:
قالت لأ .. لأ .. روق ياروح خلتك وشوف انت بتكلم مين .. واطرق ولا اخرشمك ، وقبل ما اخدك على حنطور عينك ولا عايز تنام فى التخشيبة / ولم تنظر وفكت من امامى / وانا مازلت أغنى ظلموه.
اليس الافضل ان أغنى ظلموه أفضل ما اروح التخشيبه ويقولوا فرشوطى فرشطوه؟
--------------------
اوقفت سيارتها فى منتصف طريق الكورنيش مما أدى الى زحام الطريق لتتحدث مع شاب ... ارتفت ألأت التبية .. ولاحياة لمن تنادى.. إذداد عنادها وهبطت من سيارتها لتتحدث مع الشاب ،ترتدى ربع بنطلون وعلى صدرها كورتين منفوختين ... وقميص مفتوح ...هبط احد الرجال ليعنفها ويقول لها اركنى على جنب ولا حتى انزلى على الشط.وافتحى الطريق ... نظرت اليه ووضعت يدها على حاجبها وقالت : عايز ايه ياحبيب ماما انت وهو ..عليا النعمة جميع الرجالة هنا حمير ببرادع.( قلت ياواد يافرشوطى اركب سيارتك واغلق الشباك واقعد لحد الاشارة ماتفتح.
جميله جدا اللقطات القصيره المركزه ذات الدلاله والايحاء وما يغلفها من سخريه ممتزجه بمرارة ناقده-----الكوميديا السوداء افضل جدا :)
ردحذف