الحاج زوغان والعياطه وَالْخَلِيفَةُ الكبير.

- هههههههههههههههههههه
- ايه ياوليه بتضحكى لِيهِ ؟
- أصلك صابح عالصبح عاوج الطاقيه وحابك التلفيحه وقاعد مهموم تضرب قَهْوَةَ تُرْكَى على رَيِّقِ النَّوْم.

- ياولية انا قلت حلمنا اتحقق وَخلاصَ حابقى الخليفة...وماكنتش أعرف إنك هابله للدرجه دى.
- كدا ياحج زوغان تَقُولُ انى هابله ؟ وَانَا اللى كنت بسمع كَلاَمِ الْمُرْشِدِ...و كلامك لحد الشعب مَا اكتشف كذبنا الكبري..
- حد قالك اكذبى على الشعب يا عياطة..؟
- هههههههه - حلوة ياحج زوغان- حلوة قوى - مين اللى قاللى على الفكرة الفاشلة بتاع مشروع النهضة ؟
- الْمُرْشِدِ.
- ههههههههههه - حاعديها ياحج زوغان - انت طُولَ عمرك شاطر فى الزوغان- و خطة ال 100 يوم مين اللى قومها فى دماغى ؟
- انا فاكر حاجة - فكرينى بالخطة دى ؟ ؟
- ههههههه - أمان ربى أمان رجعت تنسي كتير قوى ياحج زوغان - انت خايف تقع انت راخر؟
- طالما معايا الإخوان والأخوات حافضل قاعد على الكرسي
- واسرائيل كمان يا راجل !!
مرت فترة صمت بينهما ثم نظرت العياطة فى وجه زوغان وقالت:
 انت فاكر لما ضحكنا على الشعب وطلعتونى أَجَعَرَ واسكع بالصوت الحيانى واقول أهلى وعشيرتى.... اعدكم بحل خمس مشاكل يومية فِي اولها إِعادَة الامن- وَالْاِسْتِقْرارَ- وَضَبْط المرور- وتوفير الوقود، وتحسين رغيف الْعَيْشِ، وَحل مشكلة القمامة وتكوين مؤسسة الرئاسة من نواب وَمُسَاعِدِينَ وَمُسْتَشَارِينَ من كافة الْقُوَى الْوَطَنِيَّةِ.
- وحليتى المشاكل ياعياطة؟
- لَا .
- ورجعتى الامن ياعياطة؟
- لا
- وضبطتى المرور ياعياطة؟
- لا
- وفرتى الوقود ياعياطة؟
- لا
- حسنتى الرغيف؟
- لا
- تشربى قَهْوَةُ تركى ياعياطة؟
- لا .... عايزا أكل بط - وعايزه الشَّرْعِيَّةَ.
- ياولية ياهبله بطلى عجن وحسنى من ملافظك، فيه بنى ادم مسئول يطلع على الهوا ويفضح نفسه أثناء أزمة إستمرار إنقطاع الكهرباء وتقول زى الأهبل :" الواد اللى بياخد 20 جنيه ويقفل سكينة الكهرباء" , لأ وأيه ترجعى تقولى فيه حد اتصل بيا على تليفون معايا وقالي إنه بيشوف في محطة البنزين قدام بيته جراكن كتيرة فيها بنزين والناس واقفة برة في الطابور وبتيجي الموتوسيكلات تاخدها من ورا، ، وقاللى الراجل أولع فيها قولتله لا مش عايزين البلد تولع". دا كلام حد عاقل؟
- هههههههه - بفضلكم ياخويا - قعدت تقولى إديهم مخدر لحد مانكمل اخونة البلد - ونرسم حدود الخلافة ونفرض سلطة إخوانية كاملة.
- بلاش دى - طيب أيه معنى ونرجو ﺳﻼﻣﺔ الخاطفين ﻭﺍﻟﻤﺨطوفين ؟
- إرضاء للطرفين !
- مش بقولك عبيطة  .... وانا اللى كنت بقول انك متفوهه وبتتكلمى لغات علشان ننشر فكر الجماعة فى العالم كله.
- انت ياحج زوغان بتنكر كمان انى بتكلم لغات ؟
- لا مابنكرشي ومش ناسي لما اتكلمتى انجليزى فى المانيا وقلت"جاز وكحول دونت ميكس" انجليزى ده ياعياطه؟
- هههههههههه - انجليزى والمانى كمان! بس انت اللى فقير فى الترجمة.
- وبعد العجن دا كله قلتلك  فرملى اخونة الدولة شوية.... ماسمعتيش كلامى .
- ههههه - افرملها ازاى وانا كنت استبن؟ افرملها ازاى ؟ انا لم استطيع قيد شعرة الخروج عن الدور الذى وضعتونى فيه لحد ماغرقتونى..
- شوفى يا وليه ياعياطه .. انا صحيح قلت الكلام ده ... وكان لازم تنفذى دورك اللى رسمناه لكى- بس ما كنتش فاكر انك بالغباء ده.
- خلى الطابق مستور ياحج زوغان
- اسكتى ياوليه هو فيه واحده تطلع قدام شاشات التلفيزيون وتقول :اللى هايحط صوابعه داخل مصر هقطعه وأنا شايف صباعين تلاتة بيتمدوا جوه من توافه لاقيمة لهم فى هذا العالم. وتعلقى (وانتى فرحانه) على مقتل الجنود فى سيناء وتقولى"لا أريد أن يُريق المسلمون دِماء بعضهم بعضا"،وكمان تطلعى تخطبى وتقولى انا معايا الاهل والعشيرة.
- يالهوى عليك ياحج زوغان -انت نسيت امريكا ساعدتنا ازاى - واتفقنا معاها كان ايه ؟
- نسيت فكرينى !!!
-هههههه - انت جالك الزهايمر ياحج زوغان ؟ قال بطلودا واسمعو دا - احنا ياخويا مش قعدنا واتفقنا على حل مشكلة اللاجئين الفلسطينيين ان نعمل لهم من سيناء وطن يهدِف إلى استِقطاع حوالي سبعمائة وخمسين كيلومترا مربّعا متاخِمة لقطاع غزة ونوطنهم فيها،نسيت؟ هههههههههه.
- انتى ياولية كل ماتتكلمى تضحكى كدا ليه!؟!  بلاش الهبل ده ... وبلاش فضايح احسن الحيطان لها ودان.
- هههه ... الحيطة ياحج زوغان ولا المخابرات اللى سكعتنا خابور طالع من نغشيشنا .. منكم لله - مالحقتش اتهنى بالكرسي. وعلى ما جيت اتهنى قعدت على البورش.
- على العموم ياعياطه مجلس شورى المُجاهدين في أكناف بيت المَقدِس". مش حايسيبك لوحدك -ولا "التوحيد والجهاد" - ولا "أنصار بيت المَقدِس"- ولا جيش محمد - ولا أنصار الجهاد - وحتى جماعة بوكو حرام - كلهم مستعدين يفجروا ارواحهم فداء للخلافة.
- فداء للخلافة ؟؟ بس ياخويا بس ...انتم جيوشكم كتير قوى - ومش شاطرين غير فى كدا .
- بقولك ياحج زوغان ماتلمهم يا خويا وتروح تحرر القدس!
- قدس !!! قدس الله سرك ـ
- ايوه صح انا نسيت انك اعترفت بها عاصمة لأسرائيل
- عليا الطلاق ماحسيب الخلافة والقدس حاتبقى العاصمة - ياكدا ياحنولعها - والجماعة بتوع انصار بيت المقدس حايخلوها حريقة .
- طلاق على طلاقك لازم تشرب قهوة تركى محوجه.
-ماتنسيش ياعياطة ان احنا مش حانسيبك - وحانبعتلك مجموعة من الانكشاريين يخلصوكى.
- ههههههه - انكشاريين ؟ أحيييييييييه -تعرف تغنى وشرح لها عن حالتى.بطلوا بقى كذب على الشعوب - خلتوهم يعبدوا اوثان .... الشعوب قرفت وضجت منكم وحاتقع انت راخر قريب.الكذب مالوش رجلين يا حج زوغان.
مرت فترة صمت بينهما - قالت العياطة لنفسها - لو كنت وقفت مع الشعب بصدق ... لو كنت عملت من أجل الشعب ... لو ماكنتش عملت من أجل هؤلاء الكاذبون ماكنشي دا بقى حالي دلوقتى .. اجلس على هذا البرش.
قال الحاج زوغان وكأنه التقط مايدور بعقل العياطة - والمجد.. ياعياطة ... والكرسي ... والشرعية ... والخلافة...  والدعوة لله.
- قالت العياطة وأثار الندم بدت واضحة على وجهها.....ان المجد لمن يعمل لمصلحة البشرية كلها وليس لمصلحة جماعة كل همها الكرسي .... الجماعة الى زوال والشعوب باقية.

---------------------------
المقال نشر فى الجرائد الاتية:
1جريدة الأسبوع
2جريدة الجمهورية والعالم
3الشرق الان
4وكالة قدس نت للانباء
5جريدة شباب مصر

6_ الحوار المتمدن صفحة الادب والفن