فرشـــــــــــــوطـيـــَّــــــــات

اخذت حقيبتي ومصباحي وخرجت من بيتى أحمل فوق ظهري هموم الشعب المصري  - هم القمامة - والمرور- والامن - والرشوة - والمحسوبية - والفساد - ومصايب الاخوان - وانعدام الامن فى سيناء - ومحاربة الارهاب - و-الجهل ، والمرض ،و ،و - الخ - باحثا عن حلول لهذه المشاكل - وجدت نفسي بدون ان أدري بجوار وزارة الكهرباء - قلت لنفسي - هذه أيضا من الهموم التى يعانى منها الشعب المصري( مشكلة انقطاع الكهرباء الدائم فلنبدأ بها ربما ندرك اين تكمن  المشكلة- ونبدأ فى علاجها . توجهت الى مكتب وكيل الوزارة مباشرة -- بعد السلام والقبلات ، سألنى ماذا تشرب ؟ طلبت قهوة علي الريحة - قال مبتسما - ماتشرب حاجة مثلجة - يمكن ترحمنا من قلمك اللي عامل زي الموس!! قلت : عايز اعرف سبب انقطاع الكهرباء هذه الايام - انتم شمتوا فينا الجماعة . والكيل طفح . فتح الرجل درج مكتبه وقال خذ هذا المنشور واقرأ مافيه - سوف تجد الرد علي سؤالك - واعطاني المنشور وهو يقول - علي العموم اطمئن سوف تحل المشكلة قريبا . امسكت المنشور - وقلت المنشور هو الحل . وهاهو نص المنشور. نظرا لما تلاحظ من تدني في معدلات سداد شركات التوزيع لمستحقات الطاقة عن ا...

- هههههههههههههههههههه - ايه ياوليه بتضحكى لِيهِ ؟ - أصلك صابح ع الصبح عاوج الطاقيه وحابك التلفيحه وقاعد مهموم تضرب قَهْوَةَ تُرْكَى على رَيِّقِ النَّوْم . - ياولية انا قلت حلمنا اتحقق وَخلاصَ حابقى الخليفة ... وماكنتش أعرف إنك هابله للدرجه دى . - كدا ياحج زوغان تَقُولُ انى هابله ؟ وَانَا اللى كنت بسمع كَلاَمِ الْمُرْشِدِ ... و كلامك لحد الشعب مَا اكتشف كذبنا الكبري. . - حد قالك اكذبى على الشعب يا عياطة ..؟ - هههههههه - حلوة ياحج زوغان - حلوة قوى - مين اللى قاللى على الفكرة الفاشلة بتاع مشروع النهضة ؟ - الْمُرْشِدِ . - ههههههههههه - حاعديها ياحج زوغان - انت طُولَ عمرك شاطر فى الزوغان - و خطة ال 100 يوم مين اللى قومها فى دماغى ؟ - انا فاكر حاجة - فكرينى بالخطة دى ؟ ؟ - ههههههه - أمان ربى أمان رجعت تنسي كتير قوى ياحج زوغان - انت خايف تقع انت راخر؟ - طالما معايا الإخوان والأخوات حافضل قاعد على الكرسي - واسرائيل كمان يا راجل !! مرت فترة صمت بينهما ثم نظرت العياطة فى وجه زوغان وقالت:  انت فاكر لما ضحكنا ...

دعانى احد امناء حزب الاخوان - ترددت كثيرا - ولكنه أَلح ،إلحاحًا ،قلت اروح يمكن يشغل دماغه ويفهم حاجه بدل ماهو عامل زى العربية الطس وماشي فى اتجاه واحد. رحب بى .... اخذنى بالاحضان - وبالقبلات . وجدته بلا لحيه ولا شارب. سألنى تشرب ايه "ياباشا": - قلت قهوة سادة. - قال ماتشرب زنجبيل أحسن. - قلت :بيحرق فى القصبة التنفسية .. قال : خلاص اشرب حلبه حصي أفضل!! - فلت صارخا هو انا حامل يامولانا .. قال بهدو : اجبلك بردقوش .. نفخت .. واشعلت سيجارة . قال : ألم تعلم ان السجائر رجس من عمل الشيطان . قلت : هو الشيطان اللى صنعها ؟خلاص  هات شيشة . قال : انت كمان بدخن شيشة .. الشيشة حرام .. قلت فى نفسي .. النهاردة اسود ....هو الراجل ده ماسك مفاتيح الجنة والنار . اتسعت عيناه ونظر لى نظرة كأنه يحاول ان يفهم ما يدور بخلدى .ثم تركنى وخرج بعد ان سمعت نقرا على باب المطبخ وجاء بكوب بردقوش .. وضعه امامى وهو يقول:البردقوش مفيد و يساعد على طرد الغازات... وضد التشنج وارتفاع ضغط الشرايين , والارق... قلت : علشان كدا انت بتشربه على طول .. لكنى اسمع غازات كريهة تخرج من حجرات البيت .!! قال ضحكا ...

صفوت حجازى باللحية البيضاء والنظارة  صفوت حجازى ضبط بحوزته جواز سفر مزور ومبلغ 20 ألف جنيه - ودقن (دوجلاس مصبوغة ) وتلفيحة بيضاء - وطاقية بيضاء تغطى شعره الاسود. هذا وقد اعلنت جماعة الاخوان الارهابية بأن هذه الاوصاف ليست اوصاف حجازى - وأضافت فى بيان لها تلقى المهيب الركن فرشوطى نسخة منه - ان صفوت حجازى كان ذو لحية بيضاء - ونظارة - ويرتدى دائما كرافته مزركشة وبدلة سوداء . صفوت ذو لحية سوداء وأضاف البيان : وهذا دليل على ان كل ماتناقله الفيسبوك وتويتر من صور للشيخ صفوت مزور لان شيخنا الجليل قد وصف الانترنت مسيلمة الكذاب و الفيس بوك و تويتر بأنهما  اللات والعزى. -->

كتب – فرشوطى محمد ...فى وسط الميدان وفى ساعة القيلولة وبحرية تامة توقف الحمار معلنا انه فى حالة " تربسة " حادة. ضغطت على كلاكس السيارة بعصبية فلم يتحرك  من موضعه . .. صرخت فى صاحب الحمار ليسحبه بعيدا كى لا يعطل حركة المرور. - صاح احد المتجمهرين : الصبر يا أستاذ فرشوطى دا حمارك ولا زم تستحمله. قلت مندهشًا: ولكنه يقطع الطريق ... ويعطل مصالح المواطنين. - رد زعبوله : اليس له حق الاعتصام ؟ - قلت :ايه اللى جابك هنا يازعبوله انت والحمار؟ أنكم تضرون بالمصالح العامة و الخاصة . - همس الحمار قائلاً: وهو يضرب بحافرة عندما رأني أقترب منه : لن اعود معك الى حظيرتى ااكل التبن بلا غموس ،أنا هنا اكل برسيم طازة, وفاكهة ،وعلف مستورد .. وزعبوله بياخذ فلوس كل يوم ويأكل أفضل الأطعمة ... فلماذا تريد ان نعود معك أيها الفرشوطى ؟ قلت - سمعت يا زعبوله الحمار انطلق من عِقاله و تحرّر. واصبح ينادينى بالفرشوطى !!!!!!!!!!! - قال زعبوله بخبث وهو يبتسم : نحن في ثورة ياعم فرشوطى والثورة تعطى لصاحبها قوة وشرعية. قلت : وطالما الثورة تعطى لصاحبها القوة والشرعية فماذا تفعلون هنا ؟ قال زعبولة : نر...

الواد زعبوله عمال يَلْسَن فى الكَفْرُ كله ..ويقول ان الجماعة دى مبروكة - مبروكة قوى - والبركة نزلت عليهم من ايام  جامع رابعة - حتى الاستفتاء على دستور 2013 وانا خايف احسن بكرة يقولوا ان الحاج مرسي العياط من العشرة المبشرين .بعد الاستفتاء الرائع على الدستور الجديد اللى اثبت فشلهم . قلت له : عيب عليك ياواد يازعبولة تتهم الجماعة بكلام ماينفعشي ، وتطلع زى الاعلام الفاسد اللى قال ان سيدنا جبريل نزل فى جامع رابعة - وناقص تقول انهم كانوا بيكبروا - عيب عليك دول ناس طيبين وعايزين يقعدوا على الكرسي وخلاص. قال زعبوله : عندك حق ياعم فرشوطى وعلى العموم احنا اخترناه ونصحناه قبل كده! قلت : نصحتوه ازاى وقلتم له ايه؟ قال زعبوله: قلنا له  يامرسي غير الدستور - قال المرشد يزعل منى- نفوله يامرسي حلايب وشلاتين مصرية - يقولك الرئيس السودانى غلبان والجماعة هناك يزعلوا منى- نقوله يامرسي سيناء اصبحت مرتع للارهاب .. يقولك هى سينا تبع مصر ولا طنطا ؟..- نفوله يامرسي النور بيقطع - يقولك حزب النور منور . نقوله يامرسي : مافيش بنزين : يقولك الصبر - اما نكفى اهلنا وعشيرتنا بتوع حماس ..وانتم ممكن تستحملوا ...

الواد زعبوله عمال يَلْسَن فى الكَفْرُ كله ..ويقول ان الجماعة قالوا الاسلام هو الحل - قولنا ماشي - قالوا حانمشي على الشريعة - طلعت شريعة المرشد - قولنا ماشى - قوم ايه بقى - الشيخ الرئيس الدكتور الاستبن - المتفوه - الحافظ - في ختام كلمته بمؤتمر نصرة سوريا باستاد القاهرة - اثبت باليقين القاطع انه حافظ للقرأن على طريقة الاخوان "، قال: "ويسألونك متى هو قل عسى أن يكون قريبا"، وصحيح الآية التي وردت في سورة الإسراء برقم 51، حيث قال الله تعالى"وَيَقُولُونَ مَتَى هُوَ قُلْ عَسَى أَن يَكُونَ قَرِيبًا".--- قلت : اسكت يا واد يازعبولة - اسكت احسن كدا عيب - عيب انك تقول ان السيد الرئيس بيغلط احسن تبقى من الكفار - وبعدين ماعندهمشي اى مشكله ابدا - ويسألونك- عندهم زى -وَيَقُولُونَ- خليك جدع ياواد يازعبولة - احست عمرهم ما حايرضوا عنك  - ولا حتى الشيخ المرشد حايخدك معاه في فوج سياحى. قال زعبوله :  ياعم فرشوطى انا مانفعشي اسيح ولا اسيح -  ولا حتى انفع عضو فى الجماعة - انا راجل مسلم - انسان . ومابعرفشي ابوس الايادى.. ودماغى شغال - بيفكر -.ولست من الاهل والعشيرة . قلت :"و...