فرشـــــــــــــوطـيـــَّــــــــات

الواد زعبوله عمال يَلْسَن فى الكَفْرُ كله ويقول : ابن فكيهه العمشة بقى مدرس قد الدنيا ياعم فرشوطى وعامل زي المنشار وعمال يبنى فى عمارات ويشتري فى ارض وعربيات . قلت: اعوذ بالله منك يازعبوله بطل نق على الناس قال: نَّقَّاقُ !!! انا مش ضفدعة ياعم فرشوطى مش بيقولك ان أشرف وأفضل انسان هو اللى يبنى وينشئ أنفسا وعقول؟ - ايوه يازعبوله كانوا بيقولوا كدا أيام ماكان التعليم زى المية والهواء وكان الإنسان يستطيع بالعلم أن يصل إلى أحلامه دائماً، ويُعتبر العلم امتدادٌ لمكارم الأخلاق أيضاً، لأن مرتبة العلماء بعد مرتبة الأنبياء. - امال احنا ايه اللى جري لنا ياعم فرشوطى المعلمين اشتغلوا في السمسرة والأطباء وحتى بعض أساتذة في الجامعة؟ - أكل عيش يازعبوله وهذه الظاهرة لن تستمر غمة وهتزول. - قول أكل فقر ياعم فرشوطى دى بطون فقيرة لن تشبع ابدا – الواد الشحات ابن فكيهة العمشة اصبح من اغنى اغنياء الكفر كله من الدروس الخصوصية ومبيشبعشي خالص. وصدق من قال : 'لا تُعاشِر نفساً شبعت بعد جوع فإن الخير فيها دخيل ، وعاشر نفساً جاعت بعد شبع فإن الخير فيها أصيل .' - مش عيب يا زعبوله ان واحد أمه كانت ...