حوار صامت مع قرد

أضف تعليق على الصورة.

حمار فرشوطي والصدام بين ما هو جديد وما هو قديم.

سألنى  حماري تعرف حاجه عن الغم الدكر ياواد يامفرشط؟
قلت : انا ياحمار اعرف اللبان الدكر بس .
قال :طالما انت مش عارف اسأل حمارك اللي أنت ساحبه معاك عن رأيه في الناس اللي عايزا تستحمرنا وتحولنا لحناجر نردد وراها ان الديمقراطيه رده ... وكفر ... وزندقه، وليبراليه وضلال وانحلال واباحيه .وان المرأه عوره والثوره انقلاب .
قلت : اسكت ايها الحمار ... الحيطة لها ودان....والمثل بيقول جوع كلبك يتبعك..
مرت بيننا فترة صمت قصيرة بعدها نهق الحمار وتنهد وقال:طيب شوف لنا كدا حد يعرف يقولنا ايه رأيه في الفشل الكلوي والكبدي، والفشل التعليمي، والفشل الاداري - يقولنا رأيه في الفقر الدكر.. وفي الغش والمعيشه الهباب دى - وفي الرشوه- وفي النفاق- والرياء- والنخع والكذب والظلم- والباطل ورغيف العيش ابو مسامير، والبؤس- والعيال اللي قعدين من غير شغل..والتردي في اداء الخدمه وعجز الموازنه- ونهب فلوس الدوله وارضيها واسهمها ..والضعط علي الروح والنفس- والتهريب والمخدرات- واطفال الشوارع- والمطلقين والعوانس والمتفيقهين .. والمستشرقين- والمتنطعين- والمستقلين - والطامعين في السلطه. وبائعي الدين بالدنيا ..واللي اكلوها ولعه .. والذين يفرقون دينهم شيعا واحزابا.
اسألة ياعم عن رأية فى الناس دى اللى طلعت فجأة تتكلم عن الذندقة والكفر زى بتوع القرن 18 يحتقنهم جهل مطبق - فتوات (ولا فتوات نجيب محفوظ ) يفرضون علينا  آرائهم ويملون علينا قراراتهم وإلا يرفعون علينا الشومة ويمطروننا بحجاراتهم  - وسابو كل مشاكل البلد ونزلين صراخ وجعجعة وفتاوى ليل ونهار.

والنبى ياحج فرشوطى تسأل حمارك ايه رأيه فى حال بلد منتشر فيها كل هذة الموبقات.!!!
قلت : أسئله ماسألوش ليه .....؟ بس عايز اعرف ايه فائدة الحناجر اللى عماله تصرخ ليل ونهار دى .... مبيتعبوش؟
قال الحمار :هل تعلم شيء عن سيارة ماتورها مفوت وشكمانها صوته مزعج ؟
قلت : عندما تنتهى صلاحية الماتور ...يحتاج الى عمرة ...
قال الحمار: وهل هذا هو الحل الامثل؟
قلت : لا ... بالتأكيد الجديد افضل .ولكننا نخشي الصدام بين ما هو عصري وما هو حداثي، وبين ما هو جديد وما هو قديم،
قال :خلاص خليهم محلك سر ... بس عايز اعرف كيف يتحملون هذه اللوز العفنة التى فى حناجرهم ويتهمون الشعب المصرى بأن فيه زنادقة وكفرة وديمقراطيين ومشركين.
قلت:لأنهم لا يقرأون تاريخ ولا حتى سياسة يحلوا بها مشكلة الوطن، وعلشان الناس تستريح والدين يشقشق فى القلوب وتنضف بلدنا من الغش والرشوة والذل والانتهازية .
قال الحمار : والحل؟
قلت : عندما نفوق من حالة الشيزوفرينيا التى نعانى منها.
نهق الحمار وانطلق يبحث عن طعام مفيد بدلا من وجبة التبن التى لوث بها معدته .
نشر فى:
الحوار المتمدن
الجمهورية والعالم
أصوات نيوز المغربية
دنيا الرأى الفلسطينية
الأهرام

الاوقاف والفساد المستتر تحت العمامة

انا عندى جامع .... دخل الاوقاف ...... عينت فيه 3 .... وماشفتش حد منهم خالص الا نادرا .... وبيقبض لهم الشيخ المسؤول عنهم.... ومعاه دفتر الحضور والانصراف فى البيت ...... وبيلدع هذا الشيخ (خ ) من كل واحد من هؤلاء العاملين  أخر الشهر ميت جنية نظير التستر عليهم .......... واصبحت انا المؤذن والخطيب ......... ياريت الريس يشرفنا ويخطب لنا مرة فى الجامع يمكن الشيخ يبطل ياخد رشوة والاقى حد يجى يخطب ولا يأذن .

ويجعله عامر

الوعود البراقة والمستنقعات الحكومية

   سمعنا كثيرا بان الإدارة العامة للمرور بوزارة الداخلية تستعدلاستقبال شهر رمضان الكريم بالتكثيف الأمنى على المناطق المرورية فى القاهرة والجيزة والإسكندرية ...ومر رمضان وبعد بكرة العيد ... وحايمر العيد ونلبس الجديد .. ولا فيه تكثيف امنى ولا فيه حل للمرور ... يمكن قصدهم رمضان 2013؟

اللى مش مصدقنى يشوف طريق اسكندرية القاهرة الصحراوي وطريق مرغم المؤدي الي المدخل الرئيسي للاسكندرية ......

فرشوطي فى رمضان

الشيخة الشيخة موزة زوجة الأمير حمد حاكم قطر أجرت 12 عملية تجميل لمؤخرتها بكلفة 2 مليون دولار............... وخايف تيجى تعوم فى قناة السويس المؤخرة تفرقع من شدة الموج.
----------------
اخشى من ديمقراطية النباح.!!!!!!!!!!!!!
---------------------
بفضل الله تعالى - وبحضور السيد الرئيس المهيب الركن فرشوطى - تم افتتاح مشروع التوكتوك العظيم - بحضور السيد المهراجا الهندى توكتك السريع- وهذا يؤكد اصرار القائد العظيم فرشوطى على ان يصبح الشعب كله محمولا .. للقضاء على مشكلة السير فى الشوارع وحل ازمة المرور-( تصفيق)

كوبري طملاى هو الحل .................

محافظ المنوفية

امبارح كنت فى زبارة لآ حد الاصدقاء فى محافظة المنوفية ..... فطرنا سويا ....و شربنا قهوة محوجه ثم جلسنا نتحدث فى السياسة وفى حال البلد الذى اصبح لا يسر عدو ولا حبيب حتى الساعة الحادية عشر ليلا ... صافحته وشكرته على دعوته للفطار عنده، ركبت سيارتى متوجها الى مدينة السادات ومنها الى الصحراوى عائدا الى الاسكندرية ، ولكن عندما وصلت الى  كوبري طملاي وبالتحديد أمام نقطة مرور كوبري طملاي وجدت الطريق متوقف نهائيا . اوقفت سيارتى بجوار (نقطة المرور)  كانت الساعة قد اقتربت من منتصف الليل .سرت حتى نهاية الكوبري فوجدت عشرات الاهالى يقطعون الطريق بالجرارات الزراعية وإشعلوا النيران بإطارات الكاوتشوك وجزوع الأشجار، مؤكدين استمرارهم في قطع الطريق حتى تتم الاستجابة لمطالبهم. قلت لهم : يارجاله احنا فى وقت سحور وحرام عليكم اللى انتوا بتعملوه ده ،انتم كدا بتعطلوا مصالح الناس وبتتسببوا فى قطع عيشهم . قالوا : لن نترك الطريق يمر وتتم الاستجابة لمطالبنا . سألتهم عن مطالبهم : قالوا يأتى الينا احد المسؤلين .
قلت : سهله . بس ليه ؟
قالوا لقد قتل احد ابناء القرية ....... والقاتل مازال حرا ....... راح النيابة وطلع وهو الان حرا فى القرية.
قلت : يمكن مش هو القاتل والنيابة بتبحث عن القاتل .
قالوا : لن نترك احدا يمر حتى يأتى مسئول من الجيش أوالشرطة .
قلت : يعنى مافيش فايدة
قالوا .......... لا
سألت احد السائقين عن كيفية الذهاب الى الاسكندرية .
قال : ارجع .. واطلع على اشمون . ومنها خد الدائري للقاهرة ومن هناك خد الصحراوى ...
قلت : دى وصفه سهله .... ادرت السيارة وسرت على الوصف ... ساعتين وانا الف وادور فى الظلام .. والظاهر لفيت منوف كلها .... سألت سائق تاكسي اين انا الان .
قال : اين تريد ان تذهب ... قلت اشمون .
قال : الطريق كله مكسر ومطبات وطريق مقرف...ثم سألنى: انت عايز تروح فين يا استاذ ؟
قلت : اسكندرية
قال: تعالى ورايا ...
مشيت وراه فوجدت نفسي فى شبين الكوم الساعة 3 ليلا ...
وفى شبين اوقفنى سائق التاكسي ليشرح لى الطريق الذى سوف اسلكه للذهاب الى الاسكندرية .
قلت : اريد ان اسحر الان ....
اشتري لى سندوتش مهبب ... اكلته .... وجلست على قهوة شربت شاى واتمضمضت .... وتوجهت الى الاسكندرية من الطريق الزراعى .......... وصلت البيت الساعة السابعة صباحا ......كم اشتقت الى حمار فرشوطى وكم تمنيت زلزالا يمحو كل هؤلاء الاغبياء .
نشر فى
الاهرام