نتخلى عن الإخوان - حتى هنية ياعم فرشوطى مع الاخوان مش مع مصر الراجل ده عامل زى القرع بيمد لبره ،كان نفسي يقول لن اتخلى عن اخوانى اللى فى الضفة ويلم شمل إخوانه فى فلسطين ؟ويقوللي هو تبع اى فرقة من دول - ضفاوي ولا غزاوي ولا فلسطينيي 48 أو عرب 48 ولا عرب إسرائيل ولا من فلسطينيي لبنان، ولافلسطينيي سوريا والأردن، ولافتحاوي ولاحمساوي ولاعرب الجليل ولاعرب النقب ولاجبهاوي ولا تبع إسلام الشمال ولاإسلام الجنوب.
قلتله : عيب عليك يازعبولة تلسن ع الراجل اللى حرر القدس واللى نصرنا هو و"أنصار بيت المقدس"وبعدين حايبقى الخليفة المنتظر يازعبوله. وحايعمل بعد اما يبقى الخليفة للمصلحة الوطنية الفلسطينية الحمساوية.
قال زعبولة : يالهوى دا على كدا راجل مبروك - هو شغال أيه ياعم فرشوطى؟!
قلت ضاحكا:شغال - بيقلى فلافل -وبيخطب على المنابر وعن وحدة الشعب الفلسطينى وعن الخلافة الفرشوطية ،
قال زعبوله: دا على كدا الراجل ده جامد قوى،
قلت : قوى قوى يازعبولة زى هنية اللى كانت شغالة عندى - ايام انتخابات مجلس الشعب اللى فات بتاع الدقون المنفوشة - راحت هنية تنتخب ولما رجعت سألتها انتخبتى مين ياهنية؟ قالت : حزب الرسول .
قال زعبوله - ياسلام ياعم فرشوطى دى ناس مؤمنة قوى - بس انا لدلوقتى مش عارف مين هما الاخوان ولا عارف عايزين أيه ؟ ولا عارف مين حزب الرسول اللى انتخبته هنية !!.اللى اعرفه حاجه واحده بس - ان المفروض"يجمعنا دين واحد" ؛ "يجمعنا إله واحد" "يجمعنا الاخوة فى البشرية"ولا نفرق بين احدا من رسله.
قلت:معلهشي يازعبولة أهو كله أكل عيش - وكله عند العرب صابون،
نشر فى :
وكالة حقوق الانسان
