فيديو :الإعلامى كبير الرحيمية ....ولعبة "باتلفيلد " .... وأمريكا اللى بتلعب مع الإرهابيين ....و روسيا اللى مبتهزرش

الواد زعبوله عمال يَلْسَن فى الكَفْرُ كله ويقول : فيه واحد إعلامى بيطلع فى التلفزيون دمه خفيف قوى عامل زى "الفنان محمد التابعي ، الشهير بعبد الرحيم كبير الرحيمية قبلى. لحد دلوقتى كل مانشوفه نضحك على حركاته وتعبيراته "
سألته : هو مين ده ياواد يازعبوله الإعلامى الكوميدى ده؟
قال زعبوله : واحد حالق رأسه ظلبطه وقاعد يببربش طول البرنامج وجايب مقطع من لعبة فيديو اسمها "باتلفيلد،" وعمال ينخع ياعم فرشوطى ويقول ،دى العمليات الروسية  داخل سوريا.
قلتله : وفيها أيه دى !! دا راجل إعلامى جامد وبيحبش الخبر بشوية بمب ولعب أطفال ودا حال اعلامنا الأيام دى.
ضحك زعبوله وقال ساخرا: بذمتك ياعم فرشوطى دا ينفع يبقى إعلامى - انا حاسس انه قاعد طول البرنامج يقول تروح فين يا عبدالرحيم.. تتصرف كيف يا عبدالرحيم. .والنبى تشوف الفيديو وتقوللى ايه رأيك !