الواد زعبوله والسلاسل البشرية لقناة الدزيرة

الواد زعبوله عمال يَلْسَن فى الكَفْرُ كله ويقول :قناة الدزيرة بتقول ان المتضامنين مع صحفى الدزيرة المقبوض عليهم فى مصر - عاملين سلسلة وقفات احتجاجية بالمئات في كل المدن العالمية .واتاري ياعم فرشوطى

المئات بتوع الدزيرة واحدة أجيرة من بتوع الشيخة موزة أجرتها بسباطة موز ـ والسلاسل طلعت كلها مسلسلات وسلاسل بنربط فيها الكلاب.

 
قلتله: اسكت ياواد يازعبوله عيب انا شفت السلاسل فى كولالمبور وفى بوركينا فاسو طويلة قوى ولا سبحة امير قطر .
قال زعبوله: وتلاقى سبحته من سن الفيل ياعم فرشوطى .
قلت: لأ - دى سبحة الطبخ يازعبولة
قال: علشان كدا الراجل ملظلظ من كثرة الطبيخ - بس نفسي فى شوية اكسسوارات وسلسللة من سلاسل الدزيرة دى ياعم فرشوطى .
                
               
              

صباحات مع الحياة والأمل: حديث مع الذات الشيخ العجوز ونفحات النور: دروس الحب والتفاؤل

في هذا الصباح الذي امتزج برائحة الإيمان وتلاوة ذكر الرحمن، أجلس وحدي مع ذكرياتي الثرية، وأنثرها كجدول رقراق يتلاطم أمامي، مثل مياه النهر الراقصة. تتأرجح طفولتي وصباي ووجعي وفرحي في هذا الجدول اللامع.

في هذه اللحظات الهادئة، أحادث نفسي صباحاً ومساءً، أستحضر أهل قريتي ولحظات تجوالي في أزقتها. أنتظر مرور حبيبة قلبي، وأتذوق عبير الطيب عند أذان الفجر، حيث كان والدي العجوز ينهض قبل ظهور الخيط الأبيض، جاهزًا للوضوء مع فجر كل يوم.

كنت أرى في روحه شيخًا عجوزًا، يتنبأ بالأمل والحب، يملأ قلبي بالنور والتفاؤل. كان يدعوني لصلاة الفجر في الجامع، وكانت لروحه همسات تنير حولنا. كان يقول لي: "املأ قلبك بالحب والأمل، يا بني."

ومع إشراق كل صباح، كنت أستعيد الفطرة والفضيلة في وقت مليء بالحياة. وكان يُحثني على صلاة الفجر معه في الجامع. حينما ألعب وألهو، يُردد قول الحبيب المصطفى صلى الله عليه وسلم، حيث كان يقول: "لا يقعد قوم يذكرون الله إلا حفتهم الملائكة، وغشيتهم الرحمة، ونزلت عليهم السكينة، وذكرهم الله تعالى فيمن عنده."

أسترجع الذكريات في هذا الصباح، بينما تجلس روحه محاطة بحقول القمح وأشجار النخيل في أطراف البلدة. وبعد إفطار لذيذ، يتركني والدي ويتوجه إلى الحقل، بينما أستعد للذهاب إلى مدرستي بفرح، مترقبًا للقاء حبيبة قلبي.

تظل روحه حاضرة في ذاكرتي، وتظل البلدة هادئة (قبل ضجيج التكاتك والدراجات النارية الصينية)، وتظل أحلام الصبايا ورضاهن عن القليل. كانت الحقول تحمل روائح الصيف والشتاء والربيع، وكم كانت جميلة هذه اللحظات. 

في طريقي إلى المدرسة، أغني لعبد الحليم مغنية "مغرور حبيبي"، حيث يعزف صوتها وينطلق صداها: "مغرور حبيبي كثير عايز أكلمه..."

تستمر الحياة في مسارها، وأنا أعيش بين رغباتي وأحلامي، حافظًا على تلك الذكريات الجميلة التي تشكلت كألوان قوس قزح في حياتي.

زعبوله والشيخ القوصي وفتوي نكاح البقرة

الواد زعبوله عمال يَلْسَن فى الكَفْرُ كله .. ويقول :الشيخ اسامة القوصي سكع فتوى حلوة قوى ياعم فرشوطى بيقول : للمسلم الحق أن يعاين مواضع نكاح المسلمة قبل الزواج..

قلتله وايه العيب فى كدا ياواد يازعبوله - الشيخ ماغلطشي - هو يعنى الواحد منا اما بيروح السوق يشترى بقرة مش بيجسها ويشوف ان كانت عشار ولا لأ - ويشوف كمان درجة حرارتها ويعاينها كويس ان كانت بقرة بيضة وتحتها عيل ابيض ولا اسود - وفيها لبن .ولا لأ - وان ماكنتشي عشَّرتِ نلقحها يازعبوله، الراجل خايف علينا من الغش.

قال زعبولة: يعنى الواحد يعاين ياعم فرشوطى ؟

قلت : عاين يا زعبوله عاين بدل ما تطلع دكر ولا حتى خنثي ،وتبقى وقعتك سودة يازعبوله.

نشر فى
الحوار المتمدن

زعبوله و ابويا الحاج مرسي والقفص الزجاجي

الواد زعبوله عمال يَلْسَن فى الكَفْرُ كله . ويقول: ابويا الحاج مرسى وقف داخل القفص الزجاجى يصرخ وينادى على أبنه وكأنه واقف فى الغيط بيبدر برسيم:

قلت - اسكت ياواد يازعبوله بلاش عجن ولت على الفاضى - الراجل بيلف ويدور فى القفص وبيقول "الحمد لله الحمد لله .ومن حمد الكريم زاده.

قال زعبوله: يبقى انت ما شفتش اللى حصل فى القفص يا عم فرشوطى.

- قلت : أيه اللي حصل يازعبوله:

قال زعبولة: أبويا الحاج مرسي قعد ينادى على ابنه اسامة ويقول - يا اسامة - يا اسامة -  إزيك يا أسامة "انت سامعنى؟

قلت : واسامة قال له أيه؟

قال زعبوله: اسامة رد وقال -ايوه يابا -سمعك  - سمعك يا بطل أبطال ثورة 25 يناير.
وهنا رد ابويا مرسي على أسامة أبنه وقال ياواد يا اسامة :انا لسه رئيس الجمهورية - انا مازلت رئيس للبلاد يا اسامة-  أدعو العوا يا اسامة وكل المحامين ما يشاركوش فى المهزلة دى احتراما للعدل يا اسامه - وحفظا على صورة مصر امام العالم يا أسامة ، وسيبهم يا اسامة يقضو ما يشاؤون .. الناس اللى قدامك دى خايفين من ابوك يا اسامة ،دى مهزلة وليست محكمة يا أسامة.

-  الراجل بيحب اسامه زى ما بيحب يردد الشرعية – واسامة ماغلطشي يازعبوله - ابوه كان بطل مشروع طائر النهضة  - وكان بطل ثورة 25.و 26 ، و 27 ، و 28 ، و 29، و 30، و 35،

قال زعبوله صارخا: يالهوي ياعم فرشوطى دا على كدا كان ولا عبد العال بطل الابطال.

قلت : ايوه امال  يحميك يابنى ﺘﺒﻘﻰ ﻏﺎﻟﺒﻨﻰ. ﻗﺭﺏ ﺨﺩ ﻟﻙ ﺤﺘﻪ ﻤﻠﺒﻥ .... زمارة.. شخليلة.. عصفورة ياحليلة.. طراطير ياواد طراطير!
قال زعبوله : انت كدا حاتقلبها لحالة هرج ومرج زى ما حصل في المحكمة.
قلت : حصل أيه تانى يازعبوله؟
قال: ابويا الحاج مرسي عمل ولا شجيع السيمة. أبو شنب بريمة. أول ما قال "هالي هوب" وصرخ صرخة السبع اتكهرب وبقى فرخه .
- وصرخ ازاى يازعبوله؟
- صرخ صرخة ياعم فرشوطى سيبت ركب العوووو وقال له – ياعوا ''انتم ليه مستمرين في المهزلة دى.. لو -انسحبوا''. انسحب ياعوا – انسحب  ياعوا ..المحاكمة ليس لها سند قانوني.
قلت – دى نسخة مكرر عايزين يطولوا مدة المحاكمة يازعبوله يمكن سيدنا جبريل ينزل لهم في القفص زى ما نزل في رابعة . وسألت زعبولة – ورئيس المحكمة عمل أيه ؟
رئيس المحكمة نادى على المرشد عمل انه مش سامع – نادى على أبو دقن دوجلاس  قال إن المتهمين لا يسمعون هيئة المحكمة،
وصاح أبو دقن دوجلاس"إحنا مش سامعين حاجه ،ومفيش أى صوت داخل أو خارج"
فرد القاضى على أبو دقن دوجلاس :لأ المتهمين سامعين. فأصر البلتاجى: "لا مش سامعين".

وهنا وقف المرشد صارخا وقال:
يا أهل المحكمة قبل ما تظلموني اسمعوني
اسمعوني و اسمعوني و افهموني.
فرد مرسي عليه بعد ان رفع القاضي الجلسة
وآه .. لو الأيام بتتكلم كانت قالت عملنا ايه
وكان التجسس شكله ايه و رحنا ازاي و كنا ازاي و دلوقتي بقينا ايه
وشوفوا بيقولوا علينا ايه.
---
نشر فى :
وكالة أنباء حقوق الإنسان 
جريدة الجمهورية والعالم