الجماعة وقناة الدزيرة والواد زعبوله

نكاح شرعي مع المجاهدين

الأستك وزعبولة واضراب الاطباء

الواد زعبولة داير فى البلد وعمال يلسن ويقول حاخلى حمار فرشوطى يعمل اضراب علشان التبن المغشوش اللى بياكله - اشمعنى هو - ولا علشان غلبان يعنى ومن غير مرشحة .
قلتله اسكت ياواد يازعبولة هى البلد ناقصة - والحمار قانع وراضى وساكت بلاش تفتح عيناة على الطمع.
قال زعبولة : ياعم فرشوطى كله عمال يعمل اضراب اشمعنى هو يعنى دا حتى الأطباء البشريين اشتغلوا فى الازرق.
قلت : حقهم يازعبوله - حقهم .!
قال: حقهم ايه ياعم فرشوطى انت تعرف ان اكتر دولة فى العالم فيها عيادات خاصة هى مصر - امشى كدا فى الشوارع وشوف العمارات فيها قد ايه عيادات.وشوف الدكتور بيسكع قد أيه فى الكشف .
قلت : الحياة اصبحت نار يازعبوله.
قال: نار ياحبيبي نار - دا الطمع ياعم فرشوطى الطمع - انا اعرف واحد دكتور عنده 3 عيادات وشغال مدير مستشفى ودخله فى اليوم اكتر من تسعة الاف - والمصيبة ياعم فرشوطى وجدته واقف فى إضراب الأطباء.
قلت: وماله يازعبوله وماله البحر يحب الزيادة - والرزق يحب الخفيه - تصدق يازعبولة انا مرة بطنى وجعتنى ذهبت للدكتور كتبلى حبوب منع الحمل.
ضحك زعبولة وقال : ايه اللى جري لنا ياعم فرشوطى - جري لنا ايه؟
قلت :المشكلة اصبحت مشكلة ضمائر يازعبولة ،نفوس - وصغارات نفوس. والمصيبة الكبري فى الاستك يازعبوله!
قال :الضمائر وعرفناها - انما ايه نظرية الاستك دى ياعم فرشوطى.
قلت: رزمة الفلوس بتربطها بأيه؟
قال: بالأستك
قلت:ولو حشرت فيها كمان رزمة الاستك حيمانع؟
قال : لأ - حاينمط ويقول هل من مزيد!
قلت : اهو احنا اصبحنا مثل هذا الاستك.
قال زعبوله ضاحكا دا احنا اصبحنا على كدا رزمة اوجاع ياعم فرشوطى.
قلت : كله عايز يلبس الشراب الجديد يازعبولة - ويشد الأستك ويطرقع - وكله على كله على واما تشده ويلسعك قول له .
----
نشر فى الصحف التالية:
1 - الجمهورية والعالم
2 -  وكالة أنباء العمال
3 - جريدة شباب مصر
4 - وكالة النهار الاخبارية
5 -صحيفة دنيا الوطن

النايبة ماري هارف وعزة الجرف والواد زعبولة الغبيط

 النايبة ماري هارف - عجبانى قوى قوى ياعم فرشوطى - على الاقل شعرها أشقر ولابسه نظارة ماركة - مش زى عزة الجرف اللى وشها يقطع الخميرة من البيت وبتريل وهى بتتكلم شبه الشيخة موزة.
قلتله : اسكت ياواد يازعبولة عيب عليك تقارن بين ال- هارف - وبين الجرف- وبعدين انت صابح على الصبح فرحان قوى ومبسوط من خالتك ماري وهى نائب المتحدثة باسم الخارجية الأمريكية- انت اصبحت خواجة يازعبوله - بكرة عزة الجرف تتهمك بالكفر وتسكعك حته على تويتر تدخلك النار.
قال زعبوله: تكونشي الجرف دى شغاله استبن لملك جهنم ،؟ وبعدين ياعم فرشوطى فيه فرق شاسع بين الجرف وبين هارف .
قلت : ازاى يعنى!
قال: النايبه ماري هارف - النهاردة اعلنت ان واشنطن لا تدعم اى جماعة إرهابية وإنما تدعم العملية الديمقراطية وتحاول مساعدة الشعب المصري لتقرير مصيره للوصول إلى مسار أفضل".
انما الجرف - طول النهار قاعدة على تويتر تصرخ وتدعى على الجيش وعلى شعب مصر - وكل شوية تقولك مكملين - مكملين - أبشروا -  أبشروا.ننتصر أو نموت.
قلت : العقل يازعبوله - العقل -
قال زعبولة :عقل مين ياعم فرشوطى -  لما وقعت التفاحة ع راس نيوتن لم يأكلها بل طرأ في باله تساؤلات و أفكار.. تخيل لو قعت على نفوخ الجرف كانت مسكتها وقالت أبشروا انها علامة النصر -أبشروا نحن الآن في مرحلة حاسمة - وغردت على تويتر - ابشروا لقد نصرنا الله بالتفاح انشروا الخبر ولكم الجنة.
قلت تعرف تغنى وتقول يازعبوله: ادحرج واجرى يا تفاح وتعالى على حجرى يا تفاح - دنا حجرى حنين -يخدك ويميل وادحرج واجرى يا تفاح وتعالى على حجرى ياتفاح دنا حجرى حنين يا تفاح يخدك ويميل ياتفاح.
قال زعبوله: ماعرفشي ليه ياعم فرشوطى - بلا هارف بلا جرف.

أيها الإخوان ان كنت ناسي افكرك.

لماذا تريدون التقليل من حجم وقيمة اى انجاز مصري الأن؟ لماذا تحاربون مصر؟ لماذا تريدون ان تبقى مصر محلك سر ؟ ماذا تريدون؟

--------

ركبت الاخوان على انفاس الثورة - ودخلوا على الشعب - ومجلسي الشعب والشورى بالحنجل والمنجل - وبمشروع النهضة-والمشروع ظهر فيما بعد بأنه مشروع من أجل الدعاية الانتخابية فقط.
وتعالوا معايا اقول لكم واعمل لكم براد شاى - فى محافظة سوهاج وخلال مؤتمر اخوانى لافتتاح مقر للجماعة هناك:الحاج- محمد بديع ،المرشد العام لجماعة الإخوان صرخ بالصوت الحيانى وقال:  لن يترشح أحداً من أعضاء الجماعة فى انتخابات رئاسة الجمهورية المقبلة، وتوعد أى عضو إخوانى يخالف القرار ،ورفع سيفه وطوحه فى الهوا وقال: من يخالف القرار عليه انتظار قرار مجلس شورى الجماعة بفصله منها.

وبرغم كل هذه التصريحات تم ترشيح النائب الأول لمرشد الجماعة ( الحاج الشاطر )- ثم استبعد الشاطر من سباق الرئاسة ، وقوم أيه ! قوووم -  الجماعة قامت بترشيح الإستبن محمد مرسي ليحمل هو المشروع بدلا من الشاطر.

ونجح مرسي بفضل مساندة كارهي نظام مبارك - و المعارضة والحركات الثورية ،والشبابية ،والمواطنين البسطاء، وحكم مصر عاما - وكان عام سيء وفاشل بكل المقاييس باعتراف الاخوان كمان.
ولم تكن حصيلة هذا العام من الحكم وردية-فقد اثبت ان مشروع النهضة كان محض كذب ولم ينفذ منه شيء ـ واعترف بذلك الحاج خيرت الشاطر امام الرأي العام المصري، فى 29 اغسطس 2012. بعدما تولى مرسي الحكم - قال الشاطر - نحن لا نمتلك «مشروعا للنهضة» ولا نمتلك برنامجا انتخابيا عكس ما رُوِّج له خلال الانتخابات الرئاسية، وهو ما يعد خداعا للمجتمع المصري بأكمله.

وبعد أداء مرسي لليمين الدستوري، وقف يجعر و يتعهد امام الشعب بحل أزمات النظافة، ورغيف الخبز، وأنبوبة البوتاجاز والوقود، والأمن، ومشكلة المرور، خلال 100 يوم فقط، إلا أن كل هذه الأشياء لم تتحقق،وطلع كله صابون.

ومش كدا وبس !ارتكب مرسي اخطاء كبيرة، واعترف هو بنفسه وعبر عن ندمه على اصدار الاعلان الدستوري، وبسبب ادارته الفاشلة فى الحكم هجره الكثير من مستشاريه الذين اختارهم بنفسه وتفاقمت ديون مصر، وتعرضت مياهها للسرقة وتدهورت الأوضاع الأمنية والاقتصادية، مرورًا باختطاف الجنود وتمرير الدستور الذى رفضته المعارضة، وصولًا لأحداث وزارة الثقافة وإعلان إثيوبيا بناء سد النهضة.... والاهم من ذلك انه لم ينجح في ان يكون رئيسا لكل المصريين بل وضح جليا انه اداة لتنفيذ فكر العشيرة التى ينتمي لها.

فلماذا الإصرار على إعادة مرسي رئيسا؟ اتركوا مصر تتقدم بعدما اثبتم فشلكم سياسيا، وما تفعلونه الآن في منتهى البشاعة بحق مصر وحق الدين ،افيقوا يرحمكم الله.وكفى كذبا.

 

نشر فى :

وكالة أنباء حقوق الإنسان
 جريدة الجمهورية والعالم
دنيا الرأي الفلسطينية
جريدة شباب مصر 
وكالة النهار الاخبارية
أمد للاعلام
الكوفية برس
 ----------------

اقرأ أيضا

شرعية مرسي والجلوس على الكرسي 

الحاج زوغان والعياطه وَالْخَلِيفَةُ الكبير.

زعبوله والمرشد وبركة مرسي ودستور 2013

مشروع النهضة ودورة المياة وحنفيات الطين

الواد زعبوله الغبيط والسلطنية وابن النفيس الباكستانى