فرشـــــــــــــوطـيـــَّــــــــات

ليه ياعم فرشوطى - لما الواحد تدخل فى صبعه شوكة مايقدرش يشوفها - لكنه بيفضل حاسس بها؟ فيه ناس كتير حاسه بالشوكة ومش شايفاها - باين علينا ورثنا العمى الحيثي وورثنا منطق خليهم يقولوا واحنا نعمل !!!!! وورثنا خوف وجبن سبب عندنا كاللو - وورثنا فرقة بسبب منطق الحكام المستعمرين (فرق تسد) وورثنا فساد لوث الجوانية بتاعنا - صورة مش ممكن أبدا تحصل لبشر مؤمنة برب واحد ويوم أخر تنكشف فيه كل الحصيلة على الملأ -. رب دعانا منتفرقش ... قوم أيه قلنا لق لازم نتفرق -- نعمل شيع واحزاب وجماعات -. رب واحد دعانا نعتصم بحبله جميعا - قوم أيه - قلنا لا - نقطع نفسنا - ونتعالى على بعض ونتفشخر بفلوسنا وقوتنا ومكايدنا. رب واحد دعانا ننصره - قوم أيه - قلنا لق - ورحنا ننصر بعضنا على بعض - نأكل فى بعض ونتبلا على بعض ونخون بعض - والشاطر اللى يلهف حاجة. رب واحد دعانا نتحد قلنا لآ - واتفرقنا واتمزقنا وناوين نقسم الدول لحتت سهل تتاكل هم هم فى قطمة واحدة . دعانا منسرقش - قوم أيه - الحرامية زى ما انت شايف . دعانا منكبرش - ادى انت شايف حجم الكذب بقى قد أيه. دعانا منخونشي --------- يادى النيله . قال للسائل والمحروم...

كتب/ فرشوطى محمد / كنت جالسا  على الحديدة (اقصد على الحصيرة )... تحت جذع النخلة الطيبة التى جعلت منها مسندا لظهري الذى احدودب من كثرة الهموم التى حملتها عبر سنوات بعيدة ...أنفث دخان الجوزة .. وأكح ... وأغنى ... (اخترناك) وان كنت لا اعرف كيف اخترناه ومتى حدث ذلك؟ ..انتابتنى نوبة ضحك ثم بصقت على الارض بسبب المعسل المغشوش.. اقترب منى حماري... وبرأسة ضرب حجر المعسل المشتعل فتناثرت قطع الجمر من حولى . فصرخت فيه  قائلا: أيه ياحمار أفندى أنت عايز تولعها ولا أيه؟ ابتسم الحمار بسخرية ورفع شفته العلوى وقال صارخا كمن ضرب بكرباج سودانى: ... أنا اللى حاولعها يافرشوطى افندى من أمته وانا بولع فى اى شيء ؟ انا يا فرشوطى باشا من يوم ما قتل قابيل أخاه هابيل وأنا صابر ومستحملكم على ظهري واليوم فقط  اكتشفت انى حمار بجد واكتشفت ايضا ان خسارة فيكم العقل اللى ربنا أعطاه لكم. مرت فترة صمت بيننا قلت لنفسي  "أريد أن أخرج من دوامتي ومن الظلم إلى النور". ارتخت شفة الحمار واغلق فمه وجال ببصره فى السماء التى تنذر بعاصفة .. وراح يتحدث بصوت يملؤه الحسرة والغيظ .. ثم قال :اولعها .. هئ هئ .. ...