كتب - فرشوطى محمد - كل سنة والدول العربية الاسلامية بخير - دول الجعجعة والطنطنة بالدين والفضيلة - طيب ماتيجوا معايا اقول لكم وأعمل لكم براد شاى - ونديها كأس ويسكى اخر السهرة - ايه رأيكم ؟ ولا بلاش اصل انا عارف ان الويسكى حرام ورجس من عمل الشيطان - صح؟ .
انا خايف تكون زعلت من كلامى وتعتبره كلام قبيح وعيب - وتقول فى نفسك الحاج فرشوطى بيبيح الخمر . طيب ياسيدى ماتزعلش نقعد أخر السهرة نتفرج على فيلم بورنو - بلاش ياعم انت خايف كدا ليه ؟- انا عارف انك عامل زى النعامه وبتحب تلعب استغمايه - برغم انك عارف ان فيه تقرير لأكثر الدول مشاهدة للمواقع الإباحية على الإنترنت - والتقرير بيقول ان الدول الاسلامية والعربية متقدمة حتى عن الولايات المتحدة - وكان نفسي تكون متقدمة فى صناعة اى حاجة ايكشي حتى فى صناعة الطرابيش . بس مش مشكلة اهو احنا متقدمين فى اى حاجة والسلام.
يااااانااااس ياهوووووووه - بطلوا نفاق - واتقوا الله فيما تقولون - لم تقولون القول الذي لا تصدّقونه بالعمل، فأعمالكم مخالفة أقوالكم ( كَبُرَ مَقْتًا عِنْدَ اللَّهِ أَنْ تَقُولُوا مَا لا تَفْعَلُونَ.
نيجى بعد كده للمصيبه الاكبر وهى شرب الخمر - شوف عالمنا بيشرب كام لتر من الخمر والجعه - دا حتى إحنا سبقنا الروسي والألمان - أمال أيه مش احنا طول عمرنا السباقون!!
شوف بقى ياسيدى - التونسي بيستهلك ضعف ما يستهلكه الألماني فيبلغ معدل استهلاك الفرد التونسي26.2 لترا مما يجعل التونسي متقدما على جميع جيرانه بمن فيهم الأوروبيون مثل الفرنسيين والإيطاليين والإسبان وحتى الروس والألمان.
اما السودانى بحسب إحدى الجرائد العربية- بيسكع 24.10 لترا - و اللبنانى بيشرب 23.9 لترا - وخد عندك القطري بيسكع 22.7 لترا - اما البحرينى فانصيبه 21.2 لترا - والمغربى17.10 لترا- السوري 16.3 لترا - والعمانى - 15.5 لترا - والاردنى 15.2 لترا - أما الجزائري نصيبه- 10.9 لترا - والعراقى - 9.1 لترا - اليمنى - 6.10 لترا - المصري :6 لترات - اما الموريتانى - 4.8 لترا - والسعودى - 3.9 لترا - والليبى - 2.5 لترا - اما الكويتى 1.3 لترا .
وتعالوا معايا اقول لكم واعمل لكم براد شاى ونسكع كيلو عجوة ونفتح الحناجر اصل أحنا شعوب متدينة بالفطرة - اه يا دماغى العجوجية كتير قوى بس معظمنا عامل انه مش واخد باله.
----
نشر فى الصحف التالية
جريدة الجمهورية والعالم
وكالة النهار الاخبارية
وكالة أنباء حقوق الإنسان
دنيا الوطن
ليست هناك تعليقات:
إرسال تعليق
فرشوطيات تشكركم على هذا التعليق الرائع -ونتمنى لكم اياما جميلة - ويسعدنا تكرار الزيارة ,