حمار فرشوطى....... وخطابات القذافى ..و ... راس لانوف

كتب - فرشوطى محمد - فى تلك الايام التى حكم فيها الملك (سيف الدولة المملوكى ) كان هناك ضابط فى صفوف الجيش يدعى الجدافى وكان من المقربين جدا من الملك الا انه استغل ثقة الملك فيه وانقلب عليه بعدما احس بضعف الملك ووهنه .ونصب نفسه ملك الملوك وظل يحكم شعبه اكثر من 40 عاما بالحديد والنار ... وترك ابناءه يعيثون فسادا فى البلد يسرقونها ويبيعونها وينهبون مواردها لينفقوها على نزواتهم ........ لم يستطيع شعبه ان يصبر على هذا الواقع الاليم وخاصة ان الشعب ادرك حقيقته وحقيقة جنونه فثار عليه ... فلم يجد الجدافى امامه مكانا يهرب اليه الا بيت مهدم فى اطراف البلدة .. فوقف يبكى ويصرخ بجنون إلى كل ملايين الصحراء ...من الصحراء إلى الصحراء ....تزحف الملايين  ....تهتف الملايين ....بسرعة بسرعة.
سمعه حمار فرشوطى فعرفه فنادى عليه .. جدافى .. جدافى .
الجدافى : دقت ساعة العمل .......دقت ساعة الزحف.......دقت ساعة الانتصار .........لا رجوع.
الحمار :من الهاتف الداعي؟ ألجدافى أرى؟

الجدافى :ثورة ...... ثورة

الحمار : بلغة بلغة

الجدافى :شارع ... شارع...

الحمار:ماذا وقوفك وامثالك  قد ساروا؟

الجدافى : زنجا ........ زنجا.

الحمار : يابنى انت عايز ايه ؟ ارحل ... ارحل ..... وريحنا

الجدافى:توك توكتوك......توكتوك ... لكلاب هادى...سلامه

الحمار : انت يابنى طالع من البيبرستان .... انت واخد حبوب هلوسه؟ تعالى هنا جنبى واسكت .

الجدافى :زيادة المقاعد يزيد الطين بله ....... يعنى يزيد السوء سوء...

الحمار:امض ياجدع انت ، امض........ انا مش فاهم منك ولا كلمة ...... ولا عارف انت عايز ايه؟

الجدافى :قد تندمون يوم لا ينفع الندم ........ دقت ساعة العمل ....... دقت ساعة الانتصار .. ثورة .... ثورة ...... الله واكبر....

الحمار :أين كنت إذن؟

الجدافى : فى الدار حتى خلت من دارنا النار...

الحمار : وانتى جاى عايز ايه؟

الجدافى : أوجه نداء ...عايز نار ....... عايز اولعها ... اخرجوا من بيوتكم .. اولادكم ماتوا ... ماذا اصابكم ... عصابات مثل الجرذان لا تساوى شيء .. مين بيجيب لكم الكهرباء والمياة ... انا بنيتها طوبه طوبة .

الحمار : بنيت ايه؟

الجدافى . الدار اصبحت خراب ... زي الصومال ... شدوهم كلهم ... هذى عقوبتهم فى القانون ... سيعاقب بالاعدام كل ليبي يرفع السلاح على ليبى .

الحمار : وانت بترفع ايه......... ؟السيف؟

الجدافى :واء ... واء ... احنا تركنا السلطة ... فى الدار ... انحلت مشكلة الصراع على السلطة ... انا واولادى بندافع عن ليبيا فقط.ادعوا الشعب الليبى الى تشكيل شعبيات جديدة حسب برنامج السيد سيف الاسلام ...من انتم؟ انا ملك الملوك .. انا العقيد .. العميد ... الزعيم ....
الحمار : انت قاعد ليه؟
الجدافى : انا مش قاعد ... انا واقف ... انا هنا ... انا هناك ... انا الشعب .. انا البطل .... انا اللى هزمت الجرذان ... والقطط.... ثورة .. ثورة.
الحمار : (ينهق ) ويستمر فى النهيق
الجدافى : راس لانوف ... انت منهم .. جاسوس... لغتك لغة جواسيس...انت من رأس لانوف من بلدة صهيونية .. لا نوف دى بلد اصلها عربي وانتم استعمرتوها ...... زى مانديلا اصله عربي ....... واباما اصله عربي ... والعربي اصله عربى ..
الحمار :يابنى انا مش فاهم منك حاجة .. ركز شوية وبلاش منقوع البراطيش اللى بتشربه ده ... هى راس لانوف دى فين؟
الجدافى : فى سويسرا ...قاطعوا راس لانوف اللى هناك ... هذا كافر ... بلغوا المسلمين فى كل مكان بقطع رأس اليسد لانوف .. هذا الكافر الفاجر اللى بيدمر بيوت الله .. وبيحرق النفط...اللى يشترى منه يبقى كافر.

الحمار : نهارك اسود مش عارف حتى لانوف دى فين ... يا لهوى ... روح يا شيخ ربنا يهدك..ازاى فضلت اكثر من 40 سنه وانا سيبك ترفس ومش عارف اين تقع ليبيا فى الخريطة ..
وقف الجدافى صامتا فترة ورفع عيناه الى السماء وكأنه يتلقى الوحى مثلما كان يفعل مسيلمة الكذاب..... وخرج الى الحارة ومنها الى الزنجة قابلته الاطفال بسعادة غامرة وهم يهتفون حوله .. العبيط اهه.. العبيط اهه ... رفع الجدافى اطراف جلبابه الطويل المزركش .. وصرخ كمن لدغه عقرب وهو يجري الى الصحراء مرددا ....... انا الزعيم ........انا الزعيم ......... ثورة ..... ثورة...... زنقة زنقة.....شبر شبر ... بيت بيت ...
وقع الجدافى على وجهه بعدما داس احد الاطفال على اطراف جلبابه المزركش .. نظر اليهم صارخا .. ستندمون حيث لا ينفع الندم.إللي بيته من زجاج لا يرمي الآخرين بالحجارة... من انتم جرذان....
حملته الصيبية والقوا به فوق حمار فرشوطى ووضعوا فى يديه طبلة صغيرة تشبه البونجز ورددوا وراءه .إلى الأمام إلى الأمام... معي الملايين...مش من الداخل ..معي الملايين من دول أخرى.
تركته الصيبية بمفرده يغنى ويرد على نفسه.