الفلول والدستور والواد زعبولة الغبيط

الواد زعبولة الغبيط زعلان قوى وعمال يَلْسَن فى الكَفْرُ  كله - ويقول دستور ياسيادى دستور انا بقيت من الفلول - وكل اللى قال لا - من بكره حايأكل فول - قلت له اسكت ياواد يازعبوله بلاش طولة لسان وعيب عليك - دا اللى قال نعم دخل الجنة خبط لزق - والناس فرحانة وبتغنى وبترقص - وبيقولوا - يابو اسماعيل احنا مساندينك بالروح والدم معاهدينك - والجماعة اياها دبحوا العجول وبيوزعوا لحمة - عابز ايه تانى - هو الريس فاضى لنا ولا فاضى لنا -دا حتى البلد دلوقتى أخر حلاوه  والسياحة علشان حرام   خسايرها بقت بملايين الدولارات اسبوعيا.... والاقتصاد بينهار علشان كله ربا .والريس والمرشد والجماعة بيشوفوا حل حلال علشان البركة تعم والحالة تبقى منجا.ويجعله مفرشط.