 |
| زعبوله الغبيط وشاكيرا والوسواس القهري |
قلتله : ياواد يازعبوله بطل يابنى الهم ده - انت ماتعرفشي ان الهم من اشد جنود الله ؟ انت يابنى مصاب بالوسواس القهري ؟
قال : ايه الوسواس القهري ده ياعم فرشوطى ؟- وضحك
قلت :تقعد تقرض ضوافرك اللى كلها طين بأسنانك وتنتف شعر دقنك كل ما تكون متوتر .
قال :يانهار مش فايت يعنى اقعد انتف فى شعري لما ابقى ظلطه؟ توبة ياعم فرشوطى بس ادعيلى ان ربنا يتوب عليا .وظل يردد وسواس قهري قال - قال وسواس قال.
وبعد شوية "رجعت ريما لعادتها القديمة "- وقعد ياكل فى ضوافره.
وعلشان اخليه يبطل الخصلة السودة دى - "وخاصة ان ضوافره تشبه اظافر حمار فرشوطى" وكلها طين.
قلت : عارف ياواد يازعبوله اللى بياكل ضوافره يحصل له ايه ؟
مد بوزه وقال صارخا : يحصل له أيه ياعم يافرشوطى ؟
قلت : الضوافر بتكبر فى بطنه وتفضل تكبر وتكبر.
قال - يالهوووووووى - توبه ان كنت ها أكلها تانى.
وفى أحد الأيام ........اخذته معايا وانا رايح أعمل حوار صحفى مع الفنانة شاكيرا وهى حامل. ويدوبك زعبوله شاف شاكيرا من هنا وهان ياضحك - وفضل يضحك - عليها ويضحك - انكسفت قوى وشديته من ديل الجلبيه لحد ما طلعته بره .. وسألته:
- ايه يازعبوله انت جتلك حمى الضحك يابنى ! انت فضحتنى.
- قال وهو مازال يضحك بجنون - انا اكتشفت كبر بطن شاكيرا من أيه .
قلت وانا اضحك مثله من ايه يازعبولة؟
قال : من كتر أكل الضوافر ياعم فرشوطي
-----
إقرأ أيضا
زعبولة وبوس الايادى بين الاهل والعشيرة
ليست هناك تعليقات:
إرسال تعليق
فرشوطيات تشكركم على هذا التعليق الرائع -ونتمنى لكم اياما جميلة - ويسعدنا تكرار الزيارة ,