الواد زعبوله داير فى البلد وعمال يلسن ويقول : هى عقول المشايخ دى جري فيها ايه .... الناس دى قاعدة تسكع اى كلام ومبقاش وراها غير الكلام والرغي والخطرفه ...هما بيجيبوا الكلام ده منين ياعم فرشوطى ؟
قلت له : ياود يازعبوله عيب عليك وبلاش تتكلم عن المشايخ احسن يتهموك بازدراد المشايخ وتلبس قضية على الفاضي .
قال زعبوله : أنا اللى بزدري دا هما اللى استخفوا بعقولنا لحد ماجابوا لنا مرض التخلف العقلى ورجعونا الف سنه للوراء.
قلت عيب عليك يازعبوله الراجل عنده نصوص ولازم تقول أمين وتصدق احسن يلبسوك السيخ المحمى ويطلعوه من صرصور ودنك . ويرموك للأقرع الشجاع يضربك من الفجر للضهر وتبص تلاقى نفسك تحت الأرض وتصرخ ماحدش يسمعك ..... توب يازعبوله وارجع عن اللى فى دماغك . الشيوخ دى سرها باتع.
قال زعبوله وهو يرتعد: خلاص ياعم فرشوطى انا لا اسمع لا اري لا اتكلم طالما عندهم نصوص حيبقى عندهم جبر وحساب ، وتوبة على رأى عبد الحليم حافظ مش حا كل حتى التين والزيتون. احسن يعصرونى.
ليست هناك تعليقات:
إرسال تعليق
فرشوطيات تشكركم على هذا التعليق الرائع -ونتمنى لكم اياما جميلة - ويسعدنا تكرار الزيارة ,