تجريف العقول وحمار فرشوطي والشيخ سليمان و"الوشاح في فوائد النكاح"

 

الواد زعبوله عمال يَلْسَن فى الكَفْرُ كله ويسأل ويقول : العيب فى مين يابا الحاج فرشوطي !؟ العيب في مين ؟ في"الوشاح في فوائد النكاح" ولا يكونش فى الشيخ اللى سايب كل الدين و همه النكاح وفنونه واشكاله!
قلت وانا امسكه من زمارة رقبته : ايه ياواد يازعبوله اللي جرى لك ؟ شيخ ايه؟ ونكاح ايه؟

بصلي زعبوله واتعصب - وقال غاضبا: سيب رقبتى ياعم فرشوطى احسن روحي هاتطلع في ايدك.
- ماشي يازعبولة قولي ايه اللى معصبك كدا ؟
- البلد هايجه يا آبا الحاج فرشوطي بسبب الشيخ سليمان بعد ماحبسوه !
- قلت :الشيخ سليمان إمام وخطيب الجامع !! سجنوه ؟ يا داهيه دقي .. دا كان عليه خطبة جمعة جبارة وبيحفظ العيال القرأن ..  ليه يا واد يازعبوله؟
قال زعبوله هامسا : بتهمة هتك عرض طفلة!
صرخت كمن لدغه عقرب في وجه زعبوله : انت بتقول ايه يابن المركوب -انت ها تفتري علي الراجل وتتهمه بالزنا ..الشيخ اللى حافظ كلام ربنا وبيحفظه للناس – غور من قدامي جتك نيله وانت شبه أمك ستيته العمشه. احنا شعب متدين وطول عمرنا ماشين ورا المشايخ وبنسمع كلامهم.
-  يووووووه متدين قوى هو فيه زنا اكتر من هتك طفلة يابا الحاج فرشوطى ؟

- ياواد يازعبوله حرام عليك لازم تعرف ان مفهوم الزنى لا يتحقق الموجب للتحريم و الحد إلا بعد توافر الشروط التالية.
- قال زعبوله : وايه هي الشروط دى يا آبا الحاج؟
قلت : أولا إدخال الحشفة  قُبُلاً أو دُبُراً ، لثبوت النص بأن التقاء الختانين يوجب الغسل و المَهْر و الحد ، و عليه فلا يتحقق الزنى بالضَّم و التقبيل و التفخيذ ، و ان كان محرماً يوجب التعزير .
- كفايه يا أبا الحاج فرشوطى كفاية هو احنا رحنا في داهيه من شيء شويه – انت كدا عملت زى أهل القرية لما الأم راحت تشتكي لـهم بالجرم اللى ارتكبه الشيخ مع بنتها الصغيرة.
- وايه اللى حصل كمان من أهل القرية؟
- تفاجئت الأم بالعقل الجمعي في البلد مافيش ولا واحد صدقها في البداية ومعظمهم أنكروا التهمة عن الشيخ المغتصب .. والمصيبة انهم وقفوا ضدها ودفعوا عن الشيخ.. قال ايه  بيعلمهم القرأن .

قلت :–  كل كلامك ألغـاز ليـه؟ هي ايه الحكاية يازعبولة جك حش وسطك ؟
- الحكاية ياعم فرشوطى ان معظم رجال الدين كان بيركبونا زي الشيخ سليمان ... الشيخ سليمان استغل فقر الطفلة ويتمها واغتصبها ولم يردعه لا دين ولا دياولو.. وأمها انطلقت تصرخ فى أهل البلد «المجرم استغل إن بنتى أبوها متوفى ويتيمة ومحدش هايحاسبه فهتك عرضها واغتصبها».

قلت هامسا : الظاهر الأفلام والهوس الجنسي أصاب الشيوخ ولا ايه يا واد يا زعبوله؟ وكمان يتيمة !! ؟ دا انا سمعته الجمعة اللى فاتت وهو بيخطب الجمعة وبيجعر ويقول :مَنْ مَسَحَ رَأْسَ يَتِيمٍ أَوْ يَتِيمَةٍ لَمْ يَمْسَحْهُ إِلَّا لِلَّهِ , كَانَ لَهُ بِكُلِّ شَعْرَةٍ مَرَّتْ عَلَيْهَا يَدُهُ حَسَنَاتٌ , وَمَنْ أَحْسَنَ إِلَى يَتِيمَةٍ أَوْ يَتِيمٍ عِنْدَهُ , كُنْتُ أَنَا وَهُوَ فِي الْجَنَّةِ كَهَاتَيْنِ '' وَقَرَنَ بَيْنَ أُصْبُعَيْهِ .

قال زعبوله ساخرا :ماهو كان بيمسح كان بيمسح يا أبا الحج .. من زمان واحنا مخدوعين بسبب عدة النصب - اللحية والجلباب الأبيض  والسواك والسبحة وخِتم أثر السجود على جبينه ويزعم تطبيق شرع الله، ولا يصافح النساء امامنا .
وهذا ما حدث مع الشيخ سليمان "احنا اللى شيخناه "كانت اهل البلدة تثق فيه حتى بعد مغادرة كل التلاميذ بيته كان يشير للطفلة بالانتظار ثم يظل يهددها ، حتى رضخت الطفلة لتهديداته خوفا منه .. الا انها تعرضت بعد ذلك لمتاعب صحية فقامت الأم بسؤالها فصرحت الطفلة لها عن قيام الشيخ بتأخيرها والاعتداء عليها وتهديدها اذا هي اخبرت أحد.
قلت : وجبت الكلام ده منين؟

قال : الأم أكدت في المحضر أن طفلتها كانت تتردد على منزل الشيخ سليمان لحفظ القرآن الكريم إلا أنه استدرجها بعد انصراف باقى زملائها وتعدى عليها جنسيا وهتك عرضها وخافت الطفلة إخبارها بالواقعة ولكنها رفضت الذهاب لدرس تحفيظ القرآن بمنزله وبالضغط عليها أخبرتها بما حدث.

قاطعته وانا اشعل البايب وامتطى الحمار – وأقول – كفاية يازعبوله يجب ان لا ننخدع بالمظاهر الكاذبة
قال صارخا وهو يمسك حبل الحمار : استني يا آبا الحاج استني مش تعرف ايه اللى حصل لما  تم ضبط المتهم اللى هو الشيخ ..أحيل للنيابة العامة للتحقيق .. وهناك نفى - نفي أبو لحيه منفوشه  تعديه جنسياً على الطفلة اللى عمرها 10 سنوات، ولكنه اعترف قدام بعد ذلك أنه تحرش بها قائلا «لم يتعد الأمر سوى التلامس والقبلات فقط دون وجود أي علاقة جنسية أو هتك عرض»

قلت هامسا: تربية بتوع جواز مفاخذة الزوجة الصغيرة التي لا تطيق الوطء .

قال زعبوله : ياريت جت على قد كدا .. دا بعد بلاغ الأم قررت النيابة توقيع الكشف الطبي على الطفلة وجاء تقرير الطب الشرعي ليؤكّد أنَّ الطفلة تعرضت إلى «اعتداء جنسي حديث» وهو ما يتماشى مع مذكرة النيابة العامة ومع اتهامات الأم... وتم حبس المغتصب الشيخ سليمان بتهمة هتك عرض طفلة.

تركت زعبوله وانا انفث الغليون في الهواء والحمار يسير وكأنه يحمل فوق ظهره هموم الدنيا كلها حتى توقف بجوار شجرة شابت اوراقها علي جسر الترعة ، قلت بصوت يكاد يكون هامسا كمن يخاف أن يسمعنا أحد: لقد استطاعوا تجريف العقول التى تستمع إليهم وتصدقهم حتى أصبحت هذه العقول متعبة غير قادرة على الإنتاج او التجديد أو الإبداع. ،لم تسهم مواعظهم في محاربة الجريمة والتعرض للتحرش أو الاعتداء الجنسي أو الاغتصاب و لا السرقة والغش وجشع التجار ،ولم يحسنوا من مستوى الأخلاق، لكنهم في النهاية أدوا إلى تفريغ الدين من محتواه وكل ما انتجوه ثقافات مغلوطة وقيم فاسدة .
نظر الحمار للجهة الأخرى من الشاطئ قلت متى ستفهم أيها الحمار؟

نشر فى الصحف التالية:

 جريدة الجمهورية والعالم

وكالة قدس نت للأنباء

 الوسط اليوم

 البوابة 24