الواد زعبولة الغبيط زعلان ومقهور من الأسوشيتدبرس وبيقول إنها ليبرالية ومن الفلول وبتتهم سيادة الريس اللي قعد فى الإستاد ساعتين يخطب ، و الميكروفون كان فى إيده بيلعلع وبيسبح مشاء الله - وكلمنا عن أزمة الوقود والزبالة والخبز والطوابير والأنابيب، وحاجات كتير كتير قوى ياعم فرشوطى.
تقوم الأسوشيتدبرس بتاع الفلول تقول ان الريس مرسى حاول ادعاء شىء لم يكن جزءًا منه خلال خطابه فى 6 أكتوبر.. وكمان تفتري عليه وتقول ان الرئيس منح نفسه درجات غير واقعية.. ولم يقدم رؤية للمستقبل.شفت الافتراء على الرئيس اللى حاينغنغ البلد وقال ان احنا ماضون في طريق القروض إلي ابعد مدي...
ينفع كدا ياعم فرشوطى ؟ دا حتى الراجل لف حول الملعب وهو بيلوح بيديه ولا فريقنا الوطنى لما هزم بوركينا فاسو فى كأس أفريقيا.
ليست هناك تعليقات:
إرسال تعليق
فرشوطيات تشكركم على هذا التعليق الرائع -ونتمنى لكم اياما جميلة - ويسعدنا تكرار الزيارة ,