زعبولة والمادة 11 ومساواة المرأة بالرجل

زعبولة والدكتور فرشوطى

الواد زعبوله عمال يَلْسَن فى الكَفْرُ كله ..وبيقول ان حزب النور زعلان قوى من المادة 11 من الدستور (والمصيبة ان اسمة حزب النور ) امال لو كان اسمة حزب الضلمة كان جري أيه ياولاد؟
قلتله : عيب عليك ياواد يازعبوله تقول الكلام الفاضى ده - دا حزب النور دا اخر حلاوة وبيحارب البدع وكان بيرفع الآذان داخل المجلس .
قال زعبوله : ياعم فرشوطى احنا ناقصين مليطة - ايه مشكلتهم مع المرأة ؟
قلت مشكلتهم يازعبولة ان المرأة من غير دقن!
قال : ايوه فهمت علشان كدا بيتحفظوا على المادة 11 من الدستور . طيب مانركب لها دقن ونحلق لها ظلبطة ونسكع لها زبيبة وبكده تتساوى مع الرجل .
لأ يازعبولة لأ - كدا عيب -
قال زعبوله : طيب لو احنا عايزين نحل الاشكالية دى معاهم نعمل ايه؟
ولا حاجة يازعبولة مانساويش المرأة بالرجل ونضيف  كلمة "بما لا يخالف أحكام الشريعة الإسلامية" كضابط للمادة.
قال زعبولة : وبكده نضبط الايقاع؟
قلت - ايوه اه
قال: ومنخالفشي الشريعة؟
ايوه اه
قال:دى وصفة سهلة
قلت : مع السلامة يابوعمة مايله.